• Дамир Кулубаев Кара-Кулжа районунун, Бактыбек Анаркулов Аламүдүн районунун акими болуп дайындалды.
• Ысык-Көл облустук мамлекеттик каттоо кызматынын директору пара талап кылууга шектелип кармалды.
• Кыргыз жерине Өзбекстандан күздүк буудайдын 1000 тонна үрөнү алынып келингени маалымдалды.
• 30-сентябрдан тарта өлкөдө аба ырайы кескин өзгөрөрү, жаан-чачын күтүлүүдө.
• Талас шаарынын 28 жаштагы тургуну мыйзамсыз курал-жарак сактап жүрүүгө шектелип жатат.
• Бишкектин мектептеринин айрым класстары коронавирус илдетинен улам карантинге жабыла баштады.
• Казакстандан Кыргызстанга жарандарды мыйзамсыз өткөрүү жолун уюштурган деп шектелип 2 Кыргыз жараны кармалганы айтылды.
• Мейкинбек Абдалиев, депутат: "Матраимовдун системин жок кылабыз деп бүт бизнести Казакстанга тарттырып жибердик".
• Расмий маалыматка ылайык, учурда чет жерде 750 миңден ашык Кыргыз мигранты бар деп эсептелет.
• 29-сентябрда Жалал-Абад облусунда күчү 5 баллга жеткен жер титирөө катталды, жабыркагандар жок.
• Айрым жергиликтүү кеңештердин депутаттарын шайлоо 28-ноябрда парламенттик шайлоо менен чогуу өткөрүлөт.
• Орусия Канттагы аскердик базасын абадан коргонуу каражаттары менен бекемдейт деген маалымат чыкты.
• Президент Садыр Жапаров коомдук жайлар менен мекемелерде чылым чегүүгө тыюу салган мыйзамга кол койду.
• Бийликти күч менен басып алууга шектелип жаткан Алмаз Сарыбаев абактан жеке менчик ооруканалардын бирине которулду.
• Алдамчылык фактысы боюнча УКМК тарабынан кармалган Нарын шаарынын мэри Самарбек Болотбеков кызматтан кетүү арызын жазды.
• Инвестициялар министри Алмамбет Шыкмаматов кызматтан кетип, ордуна министрдин милдетин аткаруучу болуп Нурадил Баясов дайындалды.
• Кыргыз-Орусия өнүктүрүү фонду Коррупцияга каршы ишкерлик кеңештин курамына кошулары айтылды.
• Чек ара кызматы: Кыргыз-Кытай чек арасы 1-октябрдан 7-октябрга чейин жабылат.
• Ош аэропортунда чек ара кызматкерлеринин туруктуу коррупциялык каналы аныкталганын УКМКдан билдиришти.
  
  

Лунара Бекиева