Өлкө башчысы Садыр Жапаровдун карындашы, "Кыргызстан сулуусу-2020" аталган Лазат Нуркожоева шаардагы тойканалардын биринде 21 жаш туулган күнүн белгиледи. Кечеден тартылган видео, сүрөттөрдү ал өзүнүн баракчасынын сторис функциясына жайгаштырды. Белектерге жана эмоцияларга бай болгон бул кече бат эле интернет колдонуучулардын көзүнө илинип, анын айланасында кызуу кептер айтылууда. Лазат Нуркожоеванын туулган күнүнө жакындары, курбулары, достору жана шоу-бизнестин айрым өкүлдөрү катышкан. Ал туулган күнүндөгү эң баалуу белек жаңы үлгүдөгү iPhone 13 смартфону болгонун, 20 жашын былтыр октябрь окуясында "Ала-Тоо" аянтында белгилегенин айтты.