Грециянын Лутраки шаарында 19-октябрдан тартып грек-рим жана эркин күрөш боюнча ардагер балбандар арасында Дүйнө чемпиондугу өтүп жатат. Турнирде Кыргыз өлкөсүнүн атынан грек-рим күрөшү боюнча Калмурза Жолдубаев, эркин күрөш боюнча Талант Бегалиев, Роман Сарыбаев, Арген Бегалиев, Чынарбек Изабеков, Сааданбек Ниязов өлкө намысын коргошууда.

19-октябрда килем үстүнө чыккан Арген Бегалиев алгачкы кармашында эле молдовалык балбанга жеңилип калса, Сааданбек Ниязов ирандык балбанды 4:2 эсебинде жеңип, жарым финалга чыкты. Ал эми Талант Бегалиев атаандаштарын ири эсепте жеңип Дүйнө чемпиону болду.

Мелдеш 24-октябрга чейин созулат.

Динара Акимова