• 1-ноябрда Кыргыз милициясынын 97 жылдыгы белгиленди.
• Канатбек Исаев парламенттик шайлоого талапкер болуудан баш тартты.
• 1-ноябрда Кара-Балтада кичи автобустун айдоочулары жол кирени көтөрүү талабы менен иш ташташты.
• УКМК тарабынан кармалган айыл чарба министринин орун басары Ильич Марсбек уулу кызматтан бошотулду.
• ИИМ: 9 айда мал уурулук менен алектенген 87 кылмыштуу топ кармалды.
• Өлкөдө 4-6-ноябрь күндөрү аба ырайы кескин өзгөрүп, жаан-чачын күтүлүп жатканы эскертилди.
• Көмүрдүн баасын Монополияга каршы жөнгө салуу агенттиги коюп берген баадан кымбаттаткандарга 17 миң сом айып салынары айтылды.
• Улуттук статистика комитети: Учурда Кыргызстанда орточо айлык – 19 586 сом.
• Кыргызстанда учурда 1064 китепкана бар.
• Жогорку Кеңеш Түндүк-Түштүк альтернативдүү жолунун курулушун иликтеген депутаттык комиссиянын ишин 25-ноябрга чейин узартты.
• Тажикстан чек арадагы тактала элек аймакка курулуш иштерин жүргүзүп, сүйлөшүүлөрдөн кийин токтоткону 3-ноябрда расмий маалымдалды.
• Казакстан Нур-Султан-Бишкек аба каттамын жакында жандантары белгилүү болду.
• Ош шаарында милициянын кайгуул кызматына 3 миң сом пара сунуштаган айдоочу кармалды.
• Парламент 3-ноябрда ипотекалык насыяны төлөө мөөнөтүн 25 жылга чейин узартууну караган мыйзам долбоорун кабыл алды.
• Бишкектеги Мамлекеттик тарых музейи Жаңы жылга чейин ачыла турганы айтылды.
• Эркин Жолдошалиев Жогорку Кеңештин депутаты катары ант берип, кызматына киришти.
• 3-ноябрга карата Кыргызстанда 990 734 адам коронавируска каршы эмдөөнүн 1-дозасын алды.
• БШК бир мандаттуу округдар боюнча шайлоо бюллетенинин формасын жана текстин бекитти.
• 2-ноябрда Чүйдөн Таласка кыз ала качууга шектелип 3 жигит кармалып, учурда сурак берүүдө.
• Октябрь окуялары боюнча кармалып, учурда камакта отурган саясатчы Жеңиш Молдокматов "жубайымдын жана кызымдын телефону тыңшалып жатат" деп чыкты.
• Бишкекке инвестиция тартуу максатында "Бишкек-Сити" эл аралык бизнес борбору курулат.
  
  

Лунара Бекиева