Хабиб Нурмагомедовдун уюму "EFC'нин" жеңил салмактагы чемпиону, кыргыз мушкери Бусурманкул Абдибаит уулу чемпиондук наамын коргоо үчүн беттешке чыгат. Бул тууралуу Хабиб Нурмагомедов 14-декабрда маалымат жыйында билдирди: "Анын кезектеги атаандашы казакстандык Жасулан Акимжан болот. Менин оюмча, бул беттеш февраль айында өтөт. Ал эми кайсы жерде өтөрүн биз кийинки жумада аныктайбыз",- деди ал.

Бусурманкул Абдибаит уулу быйыл августта Чолпон-Ата шаарында өткөн "EFC 38" турниринде орусиялык Руслан Яманбаевди техникалык нокаут менен жеңип, чемпиондук кур тагынган.

Динара Акимова