– Менден кетем дейсиңби, сен менденби, ха-ха-ха!- деп кагазды кармап алып каткырып күлгөн кишинин үнү шаардын борборунда жайгашкан хан сарайды жаңыртты. Бул учурда кыз үйдөн алыс узай элек болчу. Күйүп-бышып сыртка чыгып жигиттерине аны алып келүүгө буйрук берди. Бир заматта чырайлуу жаш кыз кишинин алдында отурду. Кыз бул күнү чыга алгыс тузакка түшкөнүн түшүндү.

Так ушул маалда сүйүүдөн башы тумандап турган аялдын сезимдерин башкарууга күчү жетпеди. Кечээ эле балдарын желден-сууктан коруп чарк айланып жүргөн эненин көзүнө бүгүн этегине жармашып ыйлаган балдары, "кетпе" деп жалдыраган жолдошу көрүнбөй жатты... Бакыттын көзүн тапкансып жаш жигитти ээрчип кете берди...