• Башкы прокурор: УКМКнын мурдагы жетекчиси Орозбек Опумбаев менен ИИМдин экс-башчысы Кашкар Жунушалиевге кылмыш иши ачылган эмес.
• Медет Садыркуловдун өлүмү боюнча кылмыш иши сотко өттү.
• Акыйкатчы Токон Мамытов Башкы прокуратурага суракка чакырылды.
• УКМК: Бишкек мэриясында акча уурдоо схемасы аныкталды.
• Бишкекте 1-класстын окуучулары 14-февралдан 19-февралга чейин каникулга чыгары күтүлүүдө.
• Кыргызстан Кытайга электр энергиясын экспорттоону пландап жатат, бул сунушту Кытай тарап иликтейт.
• 10-15-февраль аралыгында Кыргыз-Тажик мамлекеттик чек арасын тактоо боюнча эки өлкөнүн топографиялык жумушчу топтору жолугушат.
• “Бишкек лифт” ишканасы: 2022-жылдын алгачкы 6 айында Бишкекте эскилиги жеткен 25 лифтти алмаштыруу пландалууда.
• Өзүн “УКМК кызматкеримин” деп тааныштырып, жарандын 7 миң долларын алдап алып кеткен адам кармалганы маалымдалды.
• Жалал-Абад шаарында аз камсыз болгон 2282 үй-бүлөгө жардам катары бир мүшөктөн ун таратылды.
• Жазага тартуунун мөөнөтү өтүп кеткен деп сот Бишкектин экс-мэри Азиз Суракматовго ачылган кылмыш ишин кыскартты.
• Бишкектин Октябрь райондук ички иштер башкармалыгынын тергөөчүсү пара талап кылууга шектелип кармалды.
• ИИМ жарандарды Кыргыз-Тажик чек арасы тууралуу такталбаган маалыматтарды таратпоого чакырды.
• 2021-жылдын жыйынтыгында Кыргыз өлкөсү менен Орусиянын ортосунда товар жүгүртүүнүн көлөмү 46 пайызга өскөнү маалымдалды.
• Өлкөдө учурда Улуу Ата Мекендик согуштун 146 ардагери бар.
• Бүгүнкү күндө Кыргыз жеринде 3391 жаран коронавирустан жабыркап жатат, анын ичинен 324 жаран оор абалда.
• Бишкекте 9-февралда троллейбус бир кызды сүзүп кетип, жабырлануучу ооруканага жаткырылды.
• Монголиялык авиакомпаниялардын бири 6-марттан тарта Улан-Батор – Бишкек багыты боюнча аба каттамын ачууну пландап жатат.
• Жогорку Кеңештин депутатына 1 жардамчы жана 1 консультант берүү боюнча чечим кабыл алынды.
• 2021-жылы 9 бала бакча мамлекеттин карамагына алынганы маалымдалды.
  
  

Лунара Бекиева