• 1-мартта парламент төрагасы Талант Мамытов менен Кытайдын Кыргыз өлкөсүндөгү элчиси Ду Дэвэн кызматташтыктын абалын талкуулашты.
• Жогорку Кеңешке кайра шайлоодо Эльвира Сурабалдиева Бишкектин Биринчи Май районунан, Абдурахман Муртазалиев Свердлов районунан утуП чыкканы жарыяланды.
• Эмил Жамгырчиев Жогорку Кеңештин депутаты катары мандат алды, ал Ысык-Көл облусуна жетекчи болуп дайындалган Алтынбек Сулаймановдун ордуна келди.
• “Ош электр” ишканасынын мурдагы директору Дыйканбай Даминов коррупцияга шектелип кармалды.
• Жанар Акаев парламенттеги “Альянс” фракциясынын лидери болуп шайланды.
• Кыргызстанда адвокаттар күнү жыл сайын 1-мартта белгиленет, тийиштүү токтомго Министрлер кабинетинин төрагасы Акылбек Жапаров кол койду.
• Бишкекте автоунаа уурдоого шектелип 18 жаштагы жигит кармалганы айтылды.
• Өлкөдө мектеп окуучулары 21-марттан 30-мартка чейин жазгы каникулга чыгышат.
• Өлкөдө 5-мартта Ак калпак жана улуттук кийимдер күнү белгиленет.
• Министрлер кабинетинин төрагасынын орун басары Эдил Байсалов 1-мартта БУУнун өкүлдөрү менен кызматташуунун учурдагы абалын жана келечегин талкуулады.
• Улуттук кардиология борборунун жетекчиси болуп Талантбек Сооронбаев дайындалды.
• Бишкек мэриясы: Жылуулук берүүнү токтотууга азырынча эрте, абанын температурасы 5 күн катары менен +8 градустан жогору болсо өчүрүү башталат.
• 3-мартта Кыргыз Республикасынын мамлекеттик туусунун кабыл алынганына 30 жыл толду.
• 2-мартка карата Токтогул суу сактагычындагы суунун көлөмү 8 миллиард 130 миллион метр кубду түздү.
• Министрлер кабинети Тоолордун экосистемин коргоо жана климаттык туруктуулук жылын өткөрүү боюнча жол картасын бекитти.
• Энергетика министрлиги: Көмөкчордондорду оңдоп-түзөө иштерине байланыштуу маал-маалы менен жарык өчүрүлөт.
  
  

Лунара Бекиева