• Чүйдүн Лебединовка айылында окуучуну урушкан деп кызматтан кеткен мугалим ишине кайтканы кабарланды.
• Кылмыш ишин оң жагына чечип берүү үчүн УКМКнын кызматкерине 2,7 миллион сом жана 2 миң доллар пара берип жаткан жарандар кармалышты.
• Динара Кемелова тышкы иштер министринин орун басары болуп дайындалды.
• Улан Жусупов Кыргыз өлкөсүнүн Улуу Британиядагы жана Түндүк Ирландия падышачылыгындагы элчиси болуп дайындалды.
• Ошто 5-март күнү 12 жашар баланы унаасы менен сүзүп, окуя болгон жерден качып кеткен айдоочу кармалды.
• Өлкөдө 1 апталык рейдде жол эрежесин бузган 19 814 айдоочу аныкталды.
• 2022-жылдын октябрь айында пенсияны 50 пайызга чейин көтөрүү пландалууда.
• Талас Бегалиев өлкөнүн Көк бөрү федерациясынын президенти болуп шайланды.
• Өзгөчө кырдаалдар министрлиги: Тоолуу аймактардагы унаа жолдорунда кар көчкү түшүү коркунучу жогору.
• Бишкектин Октябрь райондук сотунун судьясы Чыңгыз Адамкулов 45 жаш курагында каза болду.
• Оштун Кара-Суу районунда 6 жашар кызды зордуктоого айыпталган жаран өмүр бою эркинен ажыратылды.
• Ноорузга карата Кыргызстанда мамлекеттик кызматкерлер 19,20 жана 21-март күндөрү эс алышат.
• 2022-жылдын алгачкы 2 айында өлкөдө пенсия жана жөлөк пулдарды төлөөгө
  9 миллиард 41 миллион сом жумшалганы айтылды.
• АКШ Кыргызстандагы үй-бүлөлүк зомбулукка каршы күрөшкөн 11 кризистик борборду өнүктүрүүгө 1,1 миллион доллар бөлөт.
• 9-мартта Бишкек-Ош трассасына кар көчкү түштү, жабыркагандар жок.
• Өткөн аптада Нарын дарыясына агып кеткен 8 жашар баланы издөө иштери уланууда.
• 10-мартка карата Токтогул суу сактагычындагы суунун көлөмү
  7 миллиард 977 миллион метр кубду түздү.
• 2022-жылдын 1-январына карата Кыргызстанда 6,8 миллион адам жашайт, анын 50,4 пайызы аялдар.
• Депутаттар Орусияда жумушсуз калган мекендештерди Кыргызстандагы курулуш компанияларына ишке алыш керектигин айтып чыгышты.
  
  

Лунара Бекиева