– Сыясы кургай элек Регламент жөнүндө мыйзамга өзгөртүү киргизүү аракеттери болуп жатат. Бул – Жогорку Кеңештин таасирин азайтуу, үнүн басуу максатын гана көздөйт. Кесиптешибиз Медер Алиев парламенттин негизги комитетинин төрагалыгынан бекер кеткен жок, абийирим чыдабай калды дегендей кылып кетти. Качанкыга чейин унчукпай отура беребиз? Депутаттар ар бир добуш берүүдө калчылдап коркушат. Эгерде Конституциянын гаранты делген адам Конституция менен эсептешпесе, анда эл өкүлдөрү катары биз эсептешишибиз керек. Мен өлкөдөгү мыйзамсыздыктарды иликтөө үчүн депутаттык комиссия түзүүнү сунуштайм, иликтеп чыгалы. Жигит деген бир эле жолу өлүшү керек, эгер унчуга албасак, анда кайран бизге берилип жаткан айлык, кайран төш белги,- деди Мадумаров.