Кыргызстан кылмыштуулуктун деңгээли жогору өлкөлөрдүн катарына кирди. Эл аралык World Population Review уюмунун изилдөөсүндө биздин мамлекет 136 өлкөнүн ичинен 31-орунга жайгашты. 2023-жылга карата Кыргызстанда кылмыштуулуктун индекси 56,87 деп белгиленет. Бул - ар бир 100 мин жаранга 56 кылмыш туура келет же кылмыштуулуктун деңгээли айтылуу Уганда (56,12), Сомали (56,04) деген Африка өлкөлөрүнөн да жогору дегенди билдирет. 2022-жылдын алгачкы 6 айынын жыйынтыгында өлкөбүз 142 мамлекеттин арасынан 47-орунга жайгашканын эскерте кетели.

Кылмыштуулук көрсөткүчү боюнча алдынкы бештикке Венесуэла (83,76), Папуа Жаңы Гвинея (80,79), Түштүк Африка (76,86), Ооганстан (76,31) жана Гондурас (74,54) кирди. Алдынкы ондукта Тринидад жана Тобаго, Гайана, Сальвадор, Бразилия жана Ямайка бар.

Ал эми кылмыштуулук эң аз катталган мамлекеттер: Швейцария, Дания, Норвегия, Япония жана Жаңы Зеландия.

Кыргызстанда 1 жылда 40 миңдин тегерегинде кылмыш катталат. Мисалы, 2022-жылы өлкөдө 45,1 кылмыш катталган. Алдынкы бештикти уурулук, алдамчылык, бейбаштык, каракчылык жана баңгизат кылмыштары түзөт.