26-июлда Бишкек-Ош жолундагы Төө-Ашуу тоннелинин жолуна асфальт төшөө башталды. “Кыргыз автожол” ишканасы билдиргендей, 6-августка чейин тоннель күнүнө 10 саатка чейин жабылат. Бишкектен Ошту көздөй бараткан жеңил унаалар үчүн (“Сосновка” посту) саат 06:00дөн 16:00гө чейин, оор жүк ташуучу унаалар үчүн 03:00дөн 16:00гө чейин жол жабык болот. Ал эми Ош тараптан Бишкекти көздөй келаткан жеңил унаалар үчүн жол (Суусамыр өрөөнү) саат 06:00дөн 16:00гө чейин, оор жүк ташуучу унаалар үчүн 05:00дөн 16:00гө чейин жабылат. 6-августка чейин тоннелдин 2,5 чакырым жолуна толук асфальт төшөлүп бүтөрү расмий маалымдалды. Буга чейин тоннелдин электр системи, бетондолгон бөлүктөрү жаңыланган.