Улуттук статистика комитетинин маалыматына ылайык, Кыргызстанда туруктуу жашаган калктын саны 2025-жылдын башында 7 миллион 200 миңден ашты. Бул өткөн жылга салыштырмалуу 120 миңге көп. Ал эми аймактар арасында калктын саны боюнча биринчиликте Ош облусу турат. Аталган облуста өлкөнүн жалпы калкынын 1,5 миллионго жакыны жашайт. Ал эми экинчи орунда Бишкек шаары турат — анын калкы 1,2 миллион адам деп белгиленди. Статкомдун маалыматы боюнча, калктын өсүшү табигый көбөйүү жана миграциялык факторлор аркылуу жүрүүдө. Айрыкча түштүк аймактарда жаштардын саны көп болгондуктан, төрөлүү көрсөткүчү жогору бойдон калууда.

Калктын санынын өсүшү билим берүү, саламаттыкты сактоо жана инфраструктура тармактарына кошумча басым жаратат. Адистер муну эске алуу менен мамлекеттик саясат жүргүзүүнү сунуштап келишет.