Калп тапкыч

Бул жолу «Калп тапкычтын» сынагынан ырчы Ильяз Абдыразаковду өткөрдүк. Алгач «ток урбайбы?» деп чочулаган Ильяз менен калп тапкычтын кармашына өзүңүздөр күбө болуңуздар.

Жылдыз оорусу менен оорудуң беле?

Ильяз: Жок
Калп тапкыч: Ооба

Ильяздын комментарийи:
– Жооп берип жатканда ушул даражага акырындык менен, өз күчүм менен, бут тосууларга карабай жеткенимди ойлоп, өзүмө ыраазы боло түштүм.

Мирбек Атабековго атаандаш катары ич күйдүлүк кыласыңбы?

Ильяз: Жок
Калп тапкыч: Жок

Ильяздын комментарийи:
– Бир кезде мен, Мирбек Атабеков, Азиз Жетигенов үчөөбүз “Санат” тобунда чогуу ырдачубуз. Алар менен азыр да жылуу мамиледемин. Кесиптештеримдин жетишкендиктери менин да ийгилигим деп эсептейм.

Бирөөлөрдүн обондорун уурдадың беле?

Ильяз: Жок
Калп тапкыч: Ооба

Ильяздын комментарийи:
– Негизи, обон жаратарда учурда кайсы жанрдагы музыка мода болуп жатканын билип, аларды угуп көрүп анан ишке киришем. Бирок бир да кайрык уурдаган эмесмин.

Нарындын кызына үйлөнүшүңө ата-энең каршы болду беле?

Ильяз: Жок
Калп тапкыч: Ооба

Ильяздын комментарийи:
– “Балам, эрте үйлөнүп жаткан жоксуңбу, ойлончу? Турмуш оңой эмес” деген сыяктуу үй-бүлөлүк талкуулар болгон.

Келинчегиңди кызганасыңбы?

Ильяз: Ооба
Калп тапкыч: Ооба

Ильяздын комментарийи:
– Эми сүйүү бар жерде кызганыч болот да. Бирок меники чеги менен эле.

Өзүңдү сексуалдуу мырзамын деп эсептейсиңби?

Ильяз: Жок
Калп тапкыч: Жок

Төшөк жаатында бактылуу­суңбу?

Ильяз: Ооба
Калп тапкыч: Ооба

Эгер 1000 доллар сунуш кылышса, жылаңач сүрөткө түшөт белең?

Ильяз: Жок
Калп тапкыч: Ооба

Ильяздын комментарийи:
– Кызык суроо экен. Буга чейин мага мындай суроо берилген эмес эле. Жылаңач сүрөтүмдү элестетип кызыктай болуп кеттим.

Кыз талашып мушташкан­сыңбы?

Ильяз: Жок
Калп тапкыч: Жок

“Ильяз коркок” деген сөзгө кошуласыңбы?

Ильяз: Жок
Калп тапкыч: Ооба

Ильяздын комментарийи:
– Жанымда дайыма ишеничтүү адамдар жүрөт. Аларга аябай таянып алган окшойм.

Саунага кыздарды чакырган­сыңбы?

Ильяз: Жок
Калп тапкыч: Жок

Ильяздын комментарийи:
– Тескерисинче, меничакырган кыздар болгон. Бирок каршы болуп койгом.

Кошумча бизнесиң барбы?

Ильяз: Жок
Калп тапкыч: Жок

Базарга баш бакпай калганың чынбы?

Ильяз: Ооба
Калп тапкыч: Ооба

Баңгизатын колдонуп көрдүң беле?

Ильяз: Жок
Калп тапкыч: Жок

Экс-продюсериң Баяке Чааровго катуу таарынганың чынбы?

Ильяз: Жок
Калп тапкыч: Ооба

Ильяздын комментарийи:
– Ортобузда таарынычтар болгон.

Үйдө акчаны өзүң кармайсыңбы?

Ильяз: Жок
Калп тапкыч: Жок

Ильяздын комментарийи:
– Жаныма күнүмдүк турмушка жетчү гана акча алып жүрөм. Калганы банкта.

Рэкеттерге салык төлөгөнсүңбү?

Ильяз: Жок
Калп тапкыч: Жок

Дамира Арстанова
star@super.kg