Алпаруучу Нурзат Токтосунова сөз чебери эле эмес, ашканада да мыкты экендигин далилдеди. Анда Нурзаттан кыз-келиндерге мастер-класс.

Керектелүүчү азыктар:

• Краб таякчалары – 200 грамм
• Ананас – 300 грамм
• Жүгөрү – 300 грамм
• Жумуртка – 3 даана
• Майонез – 200 грамм
• Помидор – 1 даана
• Салат жалбырагы, укроп жана петрушка

Жасоо ыкмаксы:
Жумурткаларды сууга бышырып алабыз. Андан соң краб таякчалары, ананас жана жумуртка төрт бурчтук формасында тууралат. Аларга жүгөрү, майонез кошуп аралаштырабыз. Даяр болгон даамдын үстүнө помидордон гүл жасап, петрушка, укроп чөптөрү менен коздоп коёбуз.
Тамагыңыз таттуу, көңүлүңүз шаттуу болсун!

Нурзаттан пайдалуу кеңеш

• Бычакты дат басса, чийки пияз менен сүртүп кетирсе болот.
• Картошка аарчыганда колуңуз карарып калса, анда колуңузду алманын кабыгы менен сүртсөңүз жакшы кетет.
• Пияздын жытын тактайдан кетириш үчүн кургак туз менен сүртүп койсоңуз, жыты жоголот.
• Ашканадагы май же башка нерсенин жагымсыз жытын кетирүү үчүн уксусту кайнатып койсоңуз, аба тазаланып калат.
• Кофеден же чайдан калган чыныдагы такты уксус же туздуу суу менен сүртүп кетирсеңиз болот.

Жаздын келиши менен жашылча-жемиш кылтыйып, көк шибер жыттанып, аба да бир өзгөчө табитти ачып турат. Бул ирет витаминге бай болгон шалгамдан сиздерге "Назик" салатын тартуулайбыз.

Курамы:

• Сууга бышкан уй эти – 300 грамм
• Бир даана шалгам
• Пияз – 1-2 даана
• Туз
• Калемпир
• Майонез
• Петрушка жалбырактары

Даярдоо ыкмасы:

1) Эт узунунан тууралат.
2) Шалгамды таза жууп алып, аны да узунунан туурайбыз.
3) Пиязды туурап, майга бир аз куурабыз.
Уй этин, шалгамды жана пиязды кошуп, татымына жараша калемпир, туз себилет. Даяр болгон салатка майонез кошуп, жакшылап аралаштырабыз.

Каалаган тамак же салат болобу, аны шалгамдан жасалган “роза” менен кооздоп койсоңуз болот.

Салтанат Мукасова
kenesh@super.kg