Фортепиано менен жаштайынан дос болуп келсе да, элге ырчы катары таанылган Гүлзинат Суранчиева учурда 1-2-май күндөрү болуучу концертине даярдык көрүп жүгүрүп жүргөн кези. Биз Гүлзинаттын сүрөт альбомун барактап отуруп, көп кызыкты таап чыктык.

МЕН ЖӨНҮНДӨ...

• Нан бышырганды азыркыга чейин билбейм. Бир жолу бышырам деп күйгүзүп алгам.
• Сахнага кийчү кийимдерди модельер Мадина Тапаевага тиктирем.
• 4-классымда эле апама ыйлактап жатып бийик такалуу бут кийим саттырып кийгем. Азыр да бийик такалардын “күйөрманымын”.
• Чачымды ийинимден ылдый өстүрүп көргөн эмесмин. Узун чачтуу болгум келсе, кошмо чач коштуруп ала коём.