Сары алмурут салаңдап,
Илинип турат үйүмдө.
Алайын десем жетпеймин,
Жетсем дагы жебеймин. (Лампочка)

Отурат сулуу ороодо,
Чачы чыккан короого.
Жакшы көрөт коёнек,
Курсагы дале тоё элек. (Сабиз)

«Кооз торчо экен» деп,
Чымын карап суктанды.
Жакын учуп келди эле,
Кармалды да чыкпады. (Желе)

Жалбырагы жайкалган,
Кооз чөп экен байкасам.
Тере албадым аны мен,
Чагып алды кармасам. (Чалкан)

Бал эмес, бирок таттуу,
Муз эмес, бирок катуу.
Чайга кошсоң сонун,
Аты эмне, тапкын? (Нават)