Күн менен түн теңелип, жер жарылып чөп чыккан кезде кыргыздар 21-мартта белгилөөчү Нооруз майрамын казак туугандар 22-мартта майрамдашат экен. Дал ушул күнү бул майрамдын урматына Алматы шаарынын борбордук аянтында Казакстандын жылдыздарынын катышуусунда чоң майрамдык кон­церт болуп өт­көн. Бул концертке биздин өл­көдөн "МКД" то­бу да конок катары чакырылган эле. Катышкан ырчылардын баары фонограмма менен ырдашса, "МКДнын" таланттуу жигиттери жандуу үн менен ырдашып, казак ырчыларынын ооздорун ачырышкан. «Уш­ун­дан улам жандуу үн менен ырдоо фо­­но­грам­мага караганда элге көбү­рөөк таа­­сир этээрин бай­кадык»,- дешет «МКД» тобунун жигиттери.