"90-60-90" деген ыры менен рейтингин бир топ көтөргөн ырчы Семага казак продюсери кайрылган. Алардын кайрылуусуна учурда хит болуп жаткан "90-60-90" ыры себеп болуптур. Ырчынын айтымында, казак продюсери ырды 3000 долларга сатышын суранган экен. Буга ырчы макул болгон эмес. Семанын каршы экенин билген продюсер "анда ырды өзүңөр эле казакча ырдап чыкпайсыңарбы" деген кеңеш айткан. "Казакча ырдасак, акцентибиз одурайып көрүнүп калсачы?!" деп чочулаган ырчы азыр «эмне кылсам экен?» деп ойлонуп жаткан кези.