Бир гана Өзбекстанда эмес, бизге чейин жетип, ар бир үйгө диски тараган "Фатима менен Зухра" өзбек фильминин режиссёру Рустам Сагдиевден ырчы Айбек Карымов Ташкентке чакырык алды. Ырчынын айтымында, кыргыз тоолорунун арасында кино тартуу – өз­бек кинорежиссёрунун көптөн берки тилеги экен. Айбектин Ташкентке баруудагы максаты – "Кылым муза" продюсердик борбору менен Сагдиевдин ортосундагы киного байланышкан келишимге кол коюу жана өзбек кинолорун кыргызчага которууга укук алуу.