Жаш болсо да мукам үнү менен кыргыздын кыйласына таанылган ырчы Иса Өмүркулов учурда 8-класста окуйт. Исанын дилгирлигин ушундан билиңиз, ал өзүнөн төрт жаш улуу балдар менен чогуу бир класста билим алат экен. Жети эмес, алты жашында мектеп босогосун аттаган ырчы мыкты окугандыгы үчүн 2-классты бүтүр­гөндөн кийин эле дароо эки класс аттаган, башкача айтканда, 5-класска отурган. Ал окуу жагынан гана өзүнөн улуулар менен теңтайлашпастан, кү­йөр­­ман топтоо жагынан да сахналаш байкелеринен калышпайт. Учурда ыр­чы кү­йөрман кыздарынын күндүр-түндүр телефон чалууларынан ул­ам уюлдук телефонунун номерин тез-тез ал­маштырууга аргасыз.