Апрель айынын он төртүндө "Манас" аэропорту менен Бишкектин ортосундагы жолдо ди-джей, ырчы Чыңгыз Мырзаев "Исузу" үлгү­сүн­дөгү жеңил машина менен кагышып кеткен. Бак­тыга жараша, кагылы­шуу­нун Чың­­гыз­дын ден­соо­лу­гуна ан­ча-мынча гана залакасы тийген. Ал эми ыр­чы менен катарлаш келатып анын алдына дароо бурулган машина ала салып кеткен. Жыйынтыгында, ырчынын машинасы жарактан чыгып, аны тетиктерге бөлүп сатууга аргасыз болгон. Ал эми "Исузу" машинасынын ээси ырчыга материалдык чыгашаны төлөп берген. Жарым ай өтүп-өтпөй Чыңгыз кайрадан кара-жашыл түстөгү "Ниссан Сафиро" үлгүсүндөгү темир тулпарлуу болду. Учурда ырчы "акжолтой машиналардан болсун" деген тилек менен машинасын тууган-уругуна майлап бүтө албай жатат.