Чоң сахнаны багындырганына аз гана убакыт болсо да жаш ырчы Омар чыныгы таланттуулугун далилдеп, Юрмала шаарында өтө турган эл аралык "Жаш толкун" сынагынын алгачкы турунан өткөн эле. Бирок, акыркы жыйынтыкты чыгаруу кандайдыр бир себептерден улам кечеңдетилип жаткан. Жакында конкурстун уюштуруучулары тараптан Омардын Юрмалага өткөнүн билдирген сүйүнүчтүү кабар келди. Эми кыргыз эли да жай мезгилинин ортосунда алгачкы жолу бул эл аралык сынакка сыймыктануу менен өз уулун жөнөтө алат.