Буга чейин шоу-бизнес чөйрөсүндөгү адамдардын арасында гана эмес, эл арасында да Ташкент кызы Гүл менен Акбар Сүйүн­баевдин кыз-жигит болуп жүргө­нү, ал гана эмес, төрт жылдан бери чогуу жашашаары туурасында бир топ сөз­дөр айтылып жүр­гөн. Бирок, бул сөз­дөр­­дүн баарын эки ырчы тең моюндарына албай, "ушак" деп кутулуп келишкен. Тымызын тараган кеп­тер ушак эмей эле чыркыраган чындык окшобойбу. Анткени, экөөнүн мамилесин жана жакында үйлө­нүшөө­рүн ошол эле чөй­рөдөгү адамдар да баамдашкан экен. Гүл хиджаб кийип Кудай жолуна түшсө, Акбар сакал өстүрүп алганы бекеринен болбосо керек. Ал гана эмес, эки ырчынын уюлдук телефондорунун номерлери бир гана сандан айырмаланат экен. Анан да башка ырчыларды кошпостон дайыма экөө эле гастролдоп жүрүшкөнү да кызыгуу туудурбай койбойт. Акбар "телевидениеге жумушка орношом" деп барып, акыры ал жакка Гүлдү да тартууга жетишкен. Бул божомолдордун чын-бышыгын билгибиз келгени менен экөө­нөн тең "ушак" деген сөздү угаарыбызды билип, ырчылардын өздө­рүнөн сураганыбыз жок. Кудай буюрса, күркү­рөгөн күздүн келиши шоу-бизнестегилерди жар-жар айттырат окшойт.