Быйыл 9-классты аяктап жаткан ырчы кыз Бегимай Эсенгулова Финансы колледжине тапшыруу үчүн документтерин камдап жаткан. Бул аракетине ырчынын кокустан паспортун жоготуп жибергени өз кедергисин тийгизип койду. Шашылыш иштери менен жүргөн Бегимай көчөдөн такси кармап, бараар жерине жетип алгандан бир аз убакыт өткөн соң ошол машинада капчыгы менен бирге паспортун да калтырып койгонун түшүнгөн. Кайрадан документин жасатуу үчүн убакыт керек болгондуктан, Бегимай паспортун таап алгандар болсо өзүнө кайтарып берүүсүн өтүнүп, бул жакшылыктын сүйүнчүсү бар экенин жарыя кылды.