Жаштардын сүймөнчүгү Ильяз жакында Сахалинге концерт койгону барган. Концерт башталаар алдында ырчынын ырлары, минусовкалары жазылган дисктери белгисиз себептерден улам табылбай калган. Ильяз саамга өзүн жоготуп койгону менен абалдан чыгууга жол тааптыр. Ал залда отурган элдин уюлдук телефондорундагы өзүнүн ырларын койдуруп, ошол музыканын коштоосу менен 7 ыр аткарган. Элин сагынып алыста жүргөн мекендештерибиз көйгөйүн ачык айтканы үчүн Ильязга ыраазы болушуп, аны колдоп беришкен экен.