Коңур үндүү ырчы Жанета Бобкова жакында түштөнүү үчүн үйүнүн жанындагы кафеге эки баласын ээрчитип барган. Бир убакта эс алып отурган кавказ улутундагы кыздар эч кимди көздөрүнө илишпей кафени жаңырта сүйлө­шүп, официант кыздын алып келген тамагын жактырбай, ага кыйкырышкан. "Акчаны туура эмес эсептедиң" дешип, официант кызды ыйлатышып, тамактанып отурган элдин тыйган кептерине каяша айтууга да өтүшкөн. Булардын баарын көз кырынан өткө­рүп отурган Жанета тура калып тигил кыздарды ачуу сөздөрү менен урушуп тыйган. "Алар баш бербей каяша айтып туруп алышса, мушташуудан да кайра тартмак эмесмин",- дейт ырчы өз сөзүндө.