Ырчы Азат 20-августта Кытайга тил үйрөнүү үчүн бир жылга сапар тартканы турат. Бул убакыт ичинде ырчы мекенин сагынаарына шек жок. Ошондуктан, Азат азыр өлкөнүн булуң-бурчундагы кооз жерлерди кыдырып эс алууда. Алгач жайдын аптабында Ысыккөлгө барып, борборго кайтаар күнү досу менен кайыкка түшкөн. Катуу шамал кайыкты оодарып таштап, Азат досу экөө сууда калышкан. Бактыга жараша, куткаруучулардын жардамына муктаж болбой ырчы жана анын досу аман-эсен жээкке сүзүп чыгышкан.