Гезитибиздин өткөн санында белгилүү ырчылар Замир Арыкбаев менен Съездбек Искеналиев “Даткайым” дуэт ырына клип тартышканын айткан элек. Ушул аптанын башында, тактап айтканда, 11-августта “Вефа” соода борборунун кичи кинотеатрында клиптин бет ачары болду. Бул күнү ырчыларды УТРКнын президенти Мелис Эшимканов жана УТРКнын экс-президенти Кыяс Молдокасымов, Ассоль Молдокматова жана ырчы достору куттуктап келишти. Съездбектин дагы бир жаңылыгы – келерки аптанын башында жаңы тасмага тартылуу үчүн даярданып жаткандыгы. Айта кетсек, Съездбек “Ашуу” аттуу тасмада ырчы Азаматтын образын жаратмакчы.

"Даткайым" клибин сайтыбыздагы Медиа-порталдан көрө аласыз.