Ырчы Жанета Бобкова жакында эле Спорт Ордосунда күйөрмандарынын башын кошуп Денис экөөнүн сахнадагы өмүр жолдорунун 10 жылдыгын белгиледи. Концертке кызынын жакшы ырдашына өбөлгө болом деп алыстан ырчынын апасы келген. Жанета ырдаганы сахнага чыкканда аны апасы бетинен өөп көшөгөнүн артында калган. Ырчы кеткенден кийин апасы капысынан тепкичтен тайып кетип жыгылган. Жыйынтыгында, колу чыканагынан чыгып кеткен. Кудай жалгап, бул иш Жанета акыркы ырларын созуп жатканда болгон.  Концерт бүтөөрү менен ырчы апасын №3 балдар ооруканасына жеткирип, чыккан чыканагын салдырган.