Жагымдуу үнү менен кыздардын жүрөгүн ээлеп алган ырчы Урмат Усенов жакында болгон концерттердин биринде керектүү документтеринин баарын уурдатты. Тактап айтканда, айдоочулук күбөлүгүн, паспортун, ага кошуп кымбат баалуу курткасын жоготкон. Учурда Урмат жоголгон документтерин кайрадан жасатып чуркап жүрөт. Жоголгон буюмдарынан түңүлбөгөн ырчы: “Документтеримди алган адам кайра кайрып берсе, каалаганын берет элем”,- деп үмүттөнүүдө.