Анжелика “Айым style”сулуулук салонунун бир жылдык мааракесин өткөрдү. Кечеде коноктордун негизги бөлүгүн студенттер түздү. Анткени бул күнү баары бекер болду. Келген коноктор бекер концерт көрүү менен гана тим болбостон, мода дүйнөсүнө да саякат кылышып, сулуулукка суктанышты. Аягында конкурстардын жеңүүчүлөрү баалуу белектерге ээ болушуп, даамдуу торт да жешип, кыскасы, “жандуу” эс алышты. Кеченин көркүн Анжеликанын сулуулук салонунан чачынан тарта тырмагынын учуна чейин жасалгаланган шыңга бойлуу кыздар ачты окшойт. Буга далил катары эркектердин ышкырыктарын айта алабыз. "Ташрабат" соода борборунда өткөн бул шоуну Анжелика менен бийчи Бакыт Байсариев алып барышты.