Жаштыгына карабай ыр жазуу, клип тарттыруу менен алек болгон Темирбек Сайдиновдун жагымдуу жаңылыгы бар экен. Жакында эле Мукаш Абдраевдин “Ырдайлы, достор, ырдайлы” ырына клип тарттырып, күйөрмандарына тартуулады. Ал гана эмес, актёр да болгону жатат. Жаш режиссёр Рыспай Садыковдун жакында тартылуучу тасмасында башкы ролдогу каармандын жеткинчек кезин ойнойт. Бул ролго Темирбек актёрлук шыгы бар экенин далилдөө үчүн монолог айтып берип жатып жеткен. Азырынча аталган киного ат коюла элек.