Айжан Газиева жакында жагымсыз окуяга туш болду. Ырчы кыз концерттен чыкса, машинасын талкалап кетишиптир. “Дайыма бетке айткан ачык мүнөзүмдөн жапа чегип келем. Жайнаган машиналардын ичинен бир гана менин машинамды атайлап темир менен чийип, айнектерин сындырышыптыр. Жансыз нерседен өч алгыча бетиме келип айтышса болмок. Негизи, бул иш шоу-бизнеске катышы бар эле адамдын колунан келди. Ким экенин сезип турсам да, изилдегим келген жок. Кудайга койдум” дейт ырчы кыз.