АКШнын Массачусетс штатындагы Бостон шаарында окуп жаткан Омар менен байланышканыбызда, жашап жаткан батиринен башка үйгө көчүп жатканын билдирди. Досу экөө эки бөлмөлүү үйдө турушчу экен. “Окуп, иштеп жатпаймынбы, анан батирди чоңойтолу дедик" деп тамашалай кеп баштаган Омар "Кыргызстанды катуу сагындым" дейт. Байланышарыбыз менен эле жалпы кыргыз журтчулугуна ысык салам айтты. Чыгармачылыкты таштап салбай, жакында жаңы ыр жаратыптыр. Буюрса, жакын арада күбө болобуз.