Ак таңдай акын Элмирбек Иманалиев уй жылын узатып жатып уулдуу болду. Жаңы жыл алдында келинчеги Нурзат көз жарып, сүйүктүү жолдошуна уул белек кылды. Сүйүнүчү коюнуна батпай турган төкмө акын учурда өзүн эң бактылуу ата сезип жүрөт.

Байыш Момунов Иса пайгамбардын туулган кү­­­нүндө балалуу болуп, учурда майлап жүргөн кези. Тактап айтканда, Байыштын уулу 7-январда, эртең мененки саат 8:20да баш калаабыздагы №3-төрөт үйүндө 2 килограмм 800 грамм салмакта жарык дүйнөгө келди. Байыш ымыркайга ат коюуну иниси Жанышка тапшырды. Анткени Жаныш өзгөчө аттарды таап коюу жагынан алдына эч кимди чыгарбайт экен.