"Сүйүү дастаны" аттуу ыры менен сахнага сапар алган Адеми бир жылдан бери тыныгууда эле. Анткени "жогорку окуу жайын артыкчылык диплом менен бүтүрүшүм керек" деп максат койгон. Ошол себептен ал окууга баш-оту менен киришип, чыгармачылыгын өркүндөтүүгө убакыт таппай калган. Максатына жеткен Адеми учурда кесиби менен мамлекеттик бир кызматта иштөөгө да, чыгармачылыкка да убакыт таап, жаңы ырларды жаздырууда. Ырчы кыз "Сага", "Жаштык деми" деп аталган ырларын элге тартуулады.