22-апрель күнү ИИМдин алдындагы Айбек Карымов жетектеген ансамбль шейит кеткен жигиттердин жаркын элестерине арнап, Өкмөт үйүнүн алдында куран окушту. Эскерте кетсек, ансамблдин курамында Назира Жетигенова, Гүлзат Байзакова, Гүланда, Дилшат Кангелдиева, Жанара Атабекова, Нурбек Айдаров, Гүлнара Кахарова баштаган шоу-бизнес өкүлдөрү бар. Чыгармачыл топ Ички иштер министрлигинин госпиталында ыңкылаптын кесепетинен улам дарыланып жаткан 70 милиция кызматкеринин ал-абалын сурап кайтышты. Ансамблдин курамы андан кийин Улуттук хирургия борборунда дарыланып жаткандардан да кабар алышты.