“Супер-Инфо” гезитинин тандоосу боюнча “2009-жылдын стилдүү ырчы мырзасы” наамынын жеңүүчүсү Бекчоро менен “Сахна ажары” наамынын жеңүүчүсү Айпери Кубик кызы Түштүк Кореяга аттанышууда. Жаштар ал жакта бирге эс алат экен деп ойлоп жүрбөңүз. Жок, алар чыгармачылык сапар менен чогуу жүрүшөт. 28-апрелге билет алып даярданып жатышкан ырчылардын Түштүк Кореядагы концерти 1-майда өтмөкчү. Ошондой эле алардын айтымында, 3-майда Кореяда өтүүчү кайсы бир фестивалга конок катары катышышат. Ким билет, балким, бойдоктор чет жерден кыз-жигит болуп кайтышар...