Мындан бир ай мурда киши колдуу болуп каза тапкан Микаэлдин жаркын элесине арнап, сахналаш достору ырларды жарата башташты. Күлгүн курагында жакындарын, досторун, шоу күйөрмандарын муңга салып, дүйнө салган Микаэлдин жакын досу Максат Бегалиев болчу. Шоумен каза болгон убакта Максат АКШда болгондуктан, досун акыркы сапарга узата албай калган. АКШдан кайткан Макс продюсери менен биргеликте Микаэль тууралуу документалдуу фильм тартканга киришти. Ал эми Бактыгүл Бадыева, Кундуз Канатбек кызы, Арсен, Жанэлдер маркумду жоктоо иретинде эскерүү ырын аткарышмакчы.