Бүтүрүүчүлөргө арнап, жергебиздин жети дубанын кыдырып, ырчылар жана "Тамашоу" таланттарынын коштоосунда концерт коймокпуз. Тилекке каршы, ойлогон ойду кыстаган турмуш жеңет болуп, өлкөбүздөгү кырдаалдан улам убактылуу токтоттук.
Түштүк аймактагы элибиз кайгыга батып, жапа чеккени бизди да түйшөлтпөй койбойт. Андыктан коогалаңда каза тапкандардын жакындарына терең кайгыруу менен көңүл айтып, аза-кайгысын тең бөлүшөбүз. Мындан ары өлкөбүздө жамандык болбосун, элибизде тынчтык орносун деп тилек кылабыз.