Чырайлуу алпаруучу Нурзат Токтосунова 2-июль күнү туулган күнүн белгиледи. Борбордогу бир кафеде өткөн Нурзаттын жеке майрамына анын достору, чыгармачыл чөйрөдөгү тааныштары келишти.
Съездбек, Замир, Урмат, Неля, Акбар, Мирбек, Чыңгыз өңдүү достору, Жамиля Муратова эжекеси Нурзатка “толуп баратасың” деп тамашалай белекке тараза беришсе, бири идишке өстүрүлгөн гүл, дагы бири Куран китеп, жайнамаз, теспе сыяктуу буюмдарды белек кылып, куттукташты. Апакай кийинип ак куу сымал буралган Көлдүн кызы досторунан келген белек-бечкектерге бөлөнүп, өзгөчө торту менен мактоого арзыды.