Ырдаганы менен, азырынча сахнага чыга элек жаш ырчы Зари Москва финансы өнөр жай академиясынын 4-курсун аяктап, каникулга келди.
Эске салсак, ырчы Орусияда студент жана түрктөрдүн товарларды каттоодон өткөрүүчү фирмасында кызматкер. 17-июлда кайрадан Орусияга сапар алмакчы болуп турган жаш ырчы азыр ата-энесинин жанында Кызыл-Кыяда жүрөт. Кеткиче даяр турган үч ырынын экөөнө клип тартууну алдына максат кылып койгон.
Баса, продюсери экөөнүн иштешкени өзүнчө эле айтып бүткүс окуя. Д.Эсенгулова ырдын текстин, аранжировкасын даярдап Москвага салып жиберет. Ырчы аранжировкасын угуп көрүп, ырды жаттайт. Үндү болсо Кыргызстанга келгенде кошушат.