Редакцияга Галина аттуу айым “Мирбек Иманбеков 4000 сом карыз. Батирде туруп төлөбөй кетип калышты” деп бир нече жолу телефон чалды. Анын айтымында, Мирбек жубайы менен Галинанын апасынын үйүндө батирде жашап, 4000 сомду бербей көчө качышкан. Галина ырчынын жубайы иштеген чачтарачканага барса, “биз 15 000 сомдук батирде жашайбыз, ошондуктан сизге бере турган акчабыз жок” деп узаткан.
Бул боюнча ырчыга кайрылганыбызда: “Мен ал айымды тааныбайм. Көп жылдардан бери бир эле батирде жашап келе жатам. Кожойкем кыргыз. Бул сөздөрдү ким эмнеден улам чыгарганын түшүнбөй турам”,- деп жооп берди.
Мирбек ал үйдө жашабаса, Галина айым эмнеге акча доолайт? Мирбек калп айтып жатабы же Галинабы? Кантсе да бул жерде бир сыр жаткандай. Ошентип, айтылбай турган сөз эле, айтылып кетти өзү эле болуп, буга чейин үй-бүлөлүү экенин танып келген Мирбек аялы бар экенин моюнга алды.