Мирбек Атабековдун "Күндөр жаңырат" аттуу ыры чыкканына бир жылдан ашса да, дале мыкты ырлардын алдыңкы сабында келе жатат. Ырчы өзү да “ушул ырымды башкача дем менен ырдагам” дейт. Жакынкы күндөрдөн тарта бул ыр казак тилинде жаңыра баштады. Көрсө, Мирбек Атабеков бул ырын Марсел аттуу жигитке бериптир. “Канчага бааладың?” дегенибизге Мирбек: “Нааразы кылган жок”,- дейт кымыңдап. Ошондой эле Мирбектин “Кара көзү” да казак жергесинде жаңырып калышы ыктымал.