Сингапурда өтүп жаткан өспүрүмдөр арасындагы Дүйнө­лүк Олимпиадада дагы бир мекендешибиз ийгиликке жетишкендиги маалым болду. Мелдештин ачылышында туубузду көтөрүү милдетин аркалаган дзюдочу Болотбек Токтогонов (сүрөттө) коло медалга татыды. 1-сентябрда 16 жаш курагын белгилей турган Болотбек элине гана эмес, өзүнө да чыныгы белек тартуулады.
Ал эми мушкер Исломжон Далибаев коло медаль үчүн болгон беттеште жеңилүүгө аргасыз болду. Ошентип, улуттук курама командабыз тарыхый I Дүйнөлүк Олимпиадада 1 алтын жана 2 коло менен оюнун жыйынтыктады.