Бишкекте дагы бир спорттук зал пайда болду. Дзюдо боюнча СССРдин Спорт чебери, КРнын Дзюдо федерациясынын туңгуч президенти Жыргалбек Сурабалдиев атындагы дзюдо залы ачылды. Бул залды Сурабалдиевдин Даулет Досалиев, Күмүш Жуманазаров, Анатолий Чеботенко аттуу шакирттери устатынын урматына ачышкан. Анда машыгуучулар үчүн бардык шарттар түзүлгөн. Келечекте аталган жайдан улуттук курама командабыздын керегине жараган жаш спортчулар тарбияланып чыгарына ишеним зор.