Бул жигиттин сүрөтүн качан караба, дайыма эле гитара менен кучакташып түшкөнү түшкөн. Анысы да бекеринен эмес. Ырчы гитараны мыкты чертет. Анан да Дархан борбордогу рок-клубдардын биринде иштейт. Ырчы иштеген клубга Казакстандан рок-топ конокко келген. Алар Дархандын гитарада жакшы ырдаганын байкап, өздөрүнүн тобуна кирүү сунушун айтышкан. Бирок ырчы “рокту өз өлкөмдө өнүктүрөм” деп баш тартканын айтты. Мындан сырткары “Вавилон” аттуу ырына клип тарттыруу үчүн 50дөн ашык гитара топтойм деп убара тартып жүрөт.