Warning: ksort() expects parameter 1 to be array, boolean given in /var/www/super.kg/superstan/admin_secret/sources/classes/output/publicOutput.php on line 384
Warning: Invalid argument supplied for foreach() in /var/www/super.kg/superstan/admin_secret/sources/classes/output/publicOutput.php on line 387
Апта ичинде... САУД АРАБИЯДА КЫРГЫЗСТАНДЫК ЭКИ АДАМ КАЗА БОЛДУ
№420 19-25-ноябрь, 2010-жыл.
- Түштүк аймагындагы ишкерлер июнь окуясында 1,5 миллиард сом зыян тартышканын билдиришти.
- Бишкек шаарында апрель окуясында ишкерлердин тарткан зыяны 600 миллион сомго бааланган.
- Москва шаарында белгилүү кинорежиссёр Төлөмүш Океевдин 75 жылдыгына арналган чыгармачылык кече болуп өттү.
- Кыргызстандын билим берүү мекемелеринде 32 өлкөдөн келген 25 миң чет жердик студент окуйт.
- Европалык Биримдик Ош жана Жалал-Абад облустарын колдоо үчүн 2 миллион евро бөлмөкчү.
- Келерки жылдын январь айынан баштап күйүүчү майдын баасы арзандашы ыктымал. Анткени Орусия кайрадан нефти продуктуларына салынган ташуу салыгын алып салат дейт.
- Кыргызстанга АКШнын Борбордук башкармасынын командири келип, президент Роза Отунбаева менен жолукту.
- Ажылык парзын аткаруу учурунда Сауд Арабияда аптаптын айынан мекендештерибиз 1944-жылкы Ф.Мишанов менен 1954-жылкы М.Ибрагимов көз жумду.
- Балдар үчүн 9 жаңы китеп жарыкка чыгып, бекер таратылат.
- Санкт-Петербург шаарында өтүүчү КМШ өлкө башчылар жыйынына катышуу үчүн президент Роза Отунбаева өзүнүн делегациясы менен учуп кетти.
- Токтогул суу сактагычында суу азаюуда. Акыркы маалыматтар боюнча, суунун көлөмү12 миллион метр/кубга төмөндөп, жалпы көлөмү 19 миллиард 29 миллион метр/кубду түзүп калды.
- Муктар Жумалиев Кыргызстандын АКШдагы элчиси болуп дайындалды.
- “Кыргызнефтегаз” ишканасынын “Юнитрейд” компаниясына байланыштуу арызы Жогорку Сотто 19-ноябрда каралат.
- Бишкекте 19-22-ноябрда жаштардын “Cinema Camp” деген кинофоруму болуп өтмөкчү.
- 2035-жылга барып Кыргызстандын ар бир адамы жыл сайын 10 миң доллар таба тургандыгын экономика илимдеринин доктору Шайлообек Мусакожоев билдирди.
- Айыл чарба жана кайра иштетүүчү өнөр жайдын кызматкерлери сыйланышып, анын ичинен Кубанычбек Исмаилов Даңк медалын алды.
- Американын президенти Барак Обама сенаторлорго Кыргызстандагы элчинин кызматына мурун Казакстанда дипломат болуп иштеген Памела Спратлендин талапкерлигин көрсөттү.
- Энергетика министрлиги Камбар-Ата-2 ГЭСинин ишке кириши кээ бир кемчиликтердин айынан убактылуу токтотулганын кабарлады.
- Каржы полициясы “Дастан” ААКсынын мурунку кызматкери 84 миң долларды мыйзамсыз ээлеп алгандыгын аныктап чыкты.
- Кыргызстан жана Тажикстандын базарларында ундун баасы Өзбекстан менен Казакстанга салыштырмалуу кымбат.
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
Рейтинг: 
0
