Жакшына болсоң жашыңдан,
Жакшылык кетпейт башыңдан.
Жактырган сенин жүрөгүң,
Жарың бир кетпейт кашыңдан.
Сүйкүмдүү болсоң жашыңдан,
Сулуулук кетпейт башыңдан.
Сүрөттөй сени тиктеген,
Сүйгөнүң кетпейт кашыңдан.
Эстүү кыз болсоң жашыңдан,
Эрке кыз болбо башыңдан.
Энекең айткан сөздөрдү,
Эсиңе туткун абыдан.

Жайында сууну бойлосом,
Жайнаган гүлдөй чоңойсом.
Жактырып мага сөз айткан,
Жакшына жарга тең болсом.
Сары-Өзөн, Чүйдү бойлосом,
Саймалуу таштай чоңойсом.
Санаага мени салбагын,
Сагынган жарга тең болсом.
Эркетай болгон,ии,ий, кезимде,
Энекем айткан кичимде.
Эсиң бир менен бол деген,
Эстүү бир сөзү эсимде.
Ыймандуу болсоң башыңдан,
Береке кетпейт башыңдан.
Ынтымак болсо үйүңдө,
Ырыскы качпайт башыңдан.
Ийкемдүү болсоң жашыңдан,
Ийгилик кетпейт башыңдан.
Ийнелек болгон жигиттер,
Иилинип кетпейт кашыңдан.
Кыйын кыз болсо жашыңдан,
Кайсар кыз болбо башыңдан.
Карап бир койсо атакең,
Кабагын байка абыдан.

Ыссык-Көл суусун бойлосом,
Ырыстуу болуп чоңойсом.
Ырылдап күндө урушпай,
Ыймандуу жарга тең болсом.
Ичке бир сууну бойлосом,
Эки элүү болуп чоңойсом
Ичкилип ичип мас болбой,
Ичпеген жарга тең болсом.
Кызгалдай,ии, ий, кезимде,
Кайтарган атам кичимде.
Караңгы түндө жүрбө деп,
Кайталап айткан эсимде.

Билимдүү болсоң жашыңдан,
Бийиктик кетпейт башыңдан.
Биримдик дайым болсо деп,
Бир тууган кетпейт кашыңдан.
Акылдуу болсоң жашыңдан,
Акылчач кетпейт башыңдан.
Ар- намыс үчүн күрөшкөн,
Ата-эне кетпейт кашыдан.
Сулуу кыз болсоң жашыңдан,
Улууну сыйла башыңдан.
Сиз деген сөздү унутпай,
Сылык бол кызым баарынан.

Балкыган сууну бойлосом,
Бактылуу болуп чоңойсом.
Баркыңды билип сыйлаган,
Бар болгон жарга тең болсом.
Аккан бир сууну бойлосом.
Ай болуп күндө чоңойсом,
Ата-энемди сыйлаган,
Акылдуу жарга тең болсом.
Кыргыздын күүсүн ойносом,
Кымызын ичип чоңойсом
Кызындай көрүп сыйлаган
Кайын бир журтка туш болсом

Ырчы кыз болсоң жашыңдан
Ырчыны сыйла башынан
Ырдаган жерде дайыма,
Ыймадуу болгун баарынан

Эч кимге теңей албайм жалгыз сени,
Эч бир күч кетире албайт алыс мени.
Эркелеп эч ким жокто жаш баладай.
Эрмектеп жазылгыча көңүл чери.

Кайырма:

Сен кетпечи жанымдан,
Сен кетпечи.
Сезимим жалындаса,
Мейли дечи.
Жан дүйнөм
Жалгыздыктан коркуп келет,
Сен кетпечи!

Жаныма жакын келип, тиктеп калсаң,
Көздөрүм ойноп кетет сүйүү жанган.
Жүрөктүн алы кетип турган кезде,
Сураймын жалгыз гана сенден жардам.

Кайырма:

Той, той, той, той мына бүгүн той той (2 жолу)
Казан, казан эт кайнар казак досум май чайнар (2 жолу)
Казак кызга үйленмесен капа болом деп чыгар (2 жолу)
Түзүк, түзүк деп күлсөм түркмөн досум деп жүрсөм (2 жолу)
Түркмөн кызга мен үйлөнүп түгөй болом деп жүрсөм (2 жолу)
Той, той, той, той мына бүгүн той, той (2 жолу)
Ороо, ороо дан толсо орус досум нан болсо (2 жолу)
Орок оргон жубайым орус кызынан болсо (2 жолу)
Өзүм, өзүм дей берсе өзбек досум бир келсе (2 жолу)
Өзүбүздөн өтөбү деп өзбек кызын берсе (2 жолу)
Той, той, той, той мына бүгүн той, той (2 жолу)
Уйгур досум лагманы лагмандардын балбаны (2 жолу)
Уйгур кызга үйлөнөйүн үзүп, үзүп калганы (2 жолу)
Кариз досум эт коёт капа болбо деп коёт (2 жолу)
Кариз кыздын сулуулугунун дидарына ким тоёт (2 жолу)
Той, той, той, той мына бүгүн той, той (2 жолу)
Дунган досто сөз болбойт жумуш десең жөн койбойт (2 жолу)
Дунган кызга үйлөнгөндөр өмүр бою кор болбойт (2 жолу)
Кыр кырына көз жетпейт кырман толо сөз жетпейт (2 жолу)
Кызыктырган дайыма кыргыз кызына жетпейт (2 жолу)
Той, той, той, той мына бүгүн той, той (2 жолу)